ශ්රී ලාංකික ජනතාවගේ මුදුන් මල්කඩ බඳු වූ දළදා මාළිගාව විවිධ ප්රතිසංස්කරණයන්ට භාජනය වෙමින්,දෙවන විමලධර්මසූරිය රජු විසින් ( ක්රි.ව.1687 - 1707 ) ගොඩනගා ඇති බව සඳහන් වේ.
දළදා මාළිගාව අයත් ගොඩනැගිලි සංකීර්ණය දළදා මැදුර, මඟුල් මඩුව, පත්තිරිප්පුව,උල්පැන් ගෙය,දියතිලක මණ්ඩපය හා මුලාදෑනි මන්දිරය ආදී වශයෙන් නම් කළ වාස්තු විද්යාත්මක නිර්මාණ රැසකින් යුක්ත ය.මෙම ආගමික සංකීර්ණයේ ඇති සුවිශේෂී ම ගෘහ නිර්මාණ අංගය / ගොඩනැගිල්ල වන්නේ, පත්තිරිප්පුව යි.මෙම ගොඩනැගිල්ල අටපට්ටම් හැඩයෙන් යුක්ත ය.ගොඩනැගිල්ල වටා පේශාවන් දැක්වෙන අතර කවුළු,කුලුනු හා ගරාදි වැටවල් ක්රමානුකූලව නිර්මාණය කර ඇත. පත්තිරිප්පුව නිර්මාණයේ ගෞරවය හිමිවන්නේ, දේවේන්ද්ර මූලාචාරීන්ට ය.
ශ්රී දළදා මාළිගාවේ මහනුවර සම්ප්රදායයට අයත් සිතුවම් රැසක් දක්නට ලැබෙන අතර ලියකම්,මල්කම්,කල්පිත රූප සුවිශේෂී වේ.
මහනුවර යුගයේ දක්නට ලැබෙන හොඳම සඳකඩපහණ දළදා මාළිගාවේ හමුවේ. ත්රිකෝණාකාර හැඩයක් ගන්නා මෙම සඳකඩපහණ මධ්යයේ මඳක් උස් වූ පද්මයක් හා දෙපස මල් ලියකම් දැකිය හැකි ය.
දළදා මාළිගාවට ඇති ප්රධාන පිවිසුමේ ආරුක්කු හැඩති වියන අලංකාර මල් සහ ලියවැල් සැරසිලි වලින් අලංකාර කර ඇත.එහි දෙපස බිත්ති දෙකෙහි දෝතින් මල් වට්ටි රැගෙන යන පුරුෂ රූප සිතුවම් කර ඇත.දළදා මන්දිරයේ වියන් මෙන්ම බිත්ති ද සිංහල සැරසිලි මෝස්තරවල එන සත්ත්ව රූප,පක්ෂි රූප, මල්කම් ලියකම් ආදියෙන් අලංකාර කර ඇත.
0 Comments